Onlayn Ödəniş Şərtləri və İctimai Təklif

1Ödəniş Üsulu və Təhlükəsizlik

Ödənişlər lisenziyalı tərəfdaş bankın təhlükəsiz virtual POS səhifəsində, 3D Secure (və ya tərəfdaş beynəlxalq kart təşkilatlarının müvafiq təhlükəsizlik protokolları) vasitəsilə həyata keçirilir.

İstifadəçinin bank kartı rekvizitləri (tam kart nömrəsi, son istifadə tarixi, CVV/CVC kodu) Online Test serverlərində toplanmır, saxlanılmır və emal edilmir. Bütün ödəniş əməliyyatları birbaşa bankın qorunan infrastrukturunda baş verir.

2Valyuta və Vergi (ƏDV) Şərtləri

Platformada göstərilən bütün qiymətlər Azərbaycan Manatı (AZN) ilə müəyyən edilir və hesablaşmalar yalnız milli valyutada aparılır.

Satıcı Azərbaycan Respublikasının vergi qanunvericiliyinə uyğun olaraq ƏDV ödəyicisi olmadığı üçün qiymətlərə ƏDV tətbiq edilmir.

3Rəqəmsal Xidmətin Təqdim Edilməsi (Çatdırılma)

Online Test tərəfindən təqdim olunan xidmət fiziki daşıyıcısı olmayan, tam elektron formatda olan rəqəmsal təhsil və sınaq imtahanı məzmunudur.

Ödəniş bank tərəfindən uğurla təsdiqləndikdən dərhal sonra seçilmiş paket istifadəçinin şəxsi kabinetində avtomatik aktivləşir və sınaq imtahanlarına dərhal giriş təmin olunur.

4Xidmət Müddəti və Avtomatik Çıxılmanın Olmaması

Bütün paketlər 30 təqvim günü müddətinə etibarlıdır.

Platformada təkrarlanan (recurrent / avtomatik) abunəlik sistemi mövcud deyil. 30 günlük müddət bitdikdən sonra kartınızdan heç bir əlavə vəsait çıxılmır. Xidməti davam etdirmək üçün istifadəçi şəxsi kabinetindən yeni paket seçərək yenidən ödəniş etməlidir.

5Ödənişin Təsdiqi və Elektron Qəbz

Ödəniş tamamlandıqdan sonra əməliyyatın detallarını əks etdirən rəsmi elektron qəbz şəxsi kabinetdə saxlanılır və istifadəçi tərəfindən istənilən vaxt nəzərdən keçirilə və ya çap oluna bilər.

6İmtina və Geri Qaytarma Şərtləri

İstifadəçi heç bir sınaq imtahanına başlamayıbsa və xidmətdən faktiki istifadə etməyibsə, ödəniş tarixindən etibarən 14 gün ərzində ödənişin 100% tam geri qaytarılmasını tələb edə bilər. Ətraflı şərtlər üçün Ödənişlərin Geri Qaytarılması Siyasəti sənədi tətbiq edilir.