Ödənişlərin Geri Qaytarılması Siyasəti

1Xidmətlərin xarakteri

Online Test internet üzərindən rəqəmsal formada sınaq imtahanları, mövzu testləri, qiymətləndirmə və abunəlik əsaslı digər rəqəmsal xidmətlər təqdim edir.

Xidmətlər fiziki məhsul formasında təqdim edilmir.

Ödəniş uğurla təsdiqləndikdən sonra seçilmiş xidmət istifadəçinin hesabında aktivləşdirilir.

2Ödənişin geri qaytarılması üçün əsas hallar

2.1. Texniki problem

Ödəniş uğurla həyata keçirildiyi halda satın alınmış xidmət istifadəçinin hesabında aktivləşməyibsə və ya Online Test platformasında yaranmış texniki problem səbəbindən xidmətə çıxış mümkün olmayıbsa, istifadəçi dəstək xidmətinə müraciət edə bilər.

Texniki problem Online Test tərəfindən təsdiqləndikdən sonra:

• xidmətin bərpası;
• istifadə müddətinin uzadılması;
• və ya uyğun hallarda ödənişin geri qaytarılması

təmin edilə bilər.

2.2. Səhv və ya təkrar ödəniş

Eyni xidmət üçün texniki və ya əməliyyat səbəbindən bir neçə dəfə ödəniş həyata keçirilibsə, təkrar ödənişin geri qaytarılması üçün müraciət edilə bilər.

2.3. Xidmətin təqdim edilməməsi

Ödəniş qəbul edildiyi halda seçilmiş xidmət Online Test tərəfindən təqdim edilməyibsə və problem məqbul müddətdə aradan qaldırılmırsa, istifadəçi ödənişin geri qaytarılması üçün müraciət edə bilər.

3İstifadə edilmiş rəqəmsal xidmətlər

Online Test-də sınaq və digər rəqəmsal xidmətlər hesab aktivləşdirildikdən və istifadəçi tərəfindən faktiki istifadə edildikdən sonra həmin xidmət üçün ödənişin geri qaytarılması məhdudlaşdırıla bilər.

Xüsusilə:

• sınaq imtahanı başladılıbsa;
• test suallarına baxılıb və ya cavablandırılıbsa;
• rəqəmsal xidmət faktiki istifadə edilibsə;
• abunəlik çərçivəsində xidmətlərdən istifadə olunubsa;

geri qaytarma məsələsi xidmətin istifadə səviyyəsi, konkret hal və tətbiq olunan qanunvericilik nəzərə alınmaqla qiymətləndirilir.

4Xidmət paketinin müddəti və istifadəsi

Satın alınmış sınaq və abunəlik paketləri 30 təqvim günü müddətində aktiv qalır. Müddət başa çatdıqda xidmət avtomatik olaraq bitir və kartdan heç bir əlavə ödəniş tutulmur. Avtomatik çıxılma yoxdur.

İstifadəçinin 30 günlük müddət bitməzdən əvvəl xidmətdən erkən imtina etməsi və ödənişin geri qaytarılması bu Siyasətin 2-ci və 6-cı bəndlərində nəzərdə tutulmuş qaydalarla tənzimlənir.

Xidmətdən istifadəyə davam etmək istəyən istifadəçi 30 gün bitdikdən sonra yalnız öz təşəbbüsü ilə yeni ödəniş edə bilər.

5Qanunvericiliklə müəyyən edilmiş hüquqlar

Bu Siyasət Azərbaycan Respublikasının qanunvericiliyi ilə istehlakçıya verilən hüquqları məhdudlaşdırmır.

Elektron ticarət zamanı istehlakçıların müqavilədən imtina ilə bağlı qanunvericilikdə nəzərdə tutulmuş hüquqları və həmin hüquqlara tətbiq edilən istisnalar qorunur.

6Geri qaytarma üçün müraciət və pəncərə

İstifadəçi heç bir sınaq imtahanına başlamayıbsa və xidmətdən faktiki istifadə etməyibsə, ödəniş tarixindən etibarən 14 (on dörd) təqvim günü ərzində heç bir əlavə cərimə tutulmadan ödənişin 100% tam geri qaytarılmasını tələb edə bilər.

Refund müraciəti rəsmi dəstək ünvanımıza (info@onlinetest.az) göndərilməlidir və müraciətdə aşağıdakı məlumatlar göstərilməlidir:

• istifadəçi hesabının e-poçt ünvanı;
• ödəniş tarixi və məbləği;
• seçilmiş paket və ya xidmət;
• ödəniş qəbzinin nömrəsi və ya əməliyyat identifikatoru;
• geri qaytarma səbəbi.

7Müraciətlərin araşdırılması müddəti

Rəsmi qaydada daxil olmuş geri qaytarma müraciətləri ən geci 5 (beş) iş günü ərzində araşdırılır və istifadəçiyə rəsmi yazılı qərar bildirilir.

Xidmətin faktiki istifadə səviyyəsi sistem qeydləri (loqlar) əsasında yoxlanılır və qanunvericiliyə uyğun qiymətləndirilir.

8Geri qaytarılmanın həyata keçirilməsi və bank müddətləri

Geri qaytarma müraciəti təsdiq edildikdən sonra, əməliyyat ən geci 3 (üç) iş günü ərzində tərəfdaş bankın ticarətçi portalı vasitəsilə icraya yönləndirilir.

Məbləğin istifadəçinin bank kartı balansında əks olunması Online Test-dən deyil, ödənişi qəbul edən və emitent bankın daxili qaydalarından asılı olaraq 3–14 iş günü çəkə bilər.

9Ödənişin təsdiqi və elektron qəbz

Hər bir uğurlu ödənişdən sonra rəsmi elektron qəbz şəxsi kabinetdə əks olunur və istifadəçi tərəfindən saxlanıla bilər.

10Əlaqə

Geri qaytarma və ödənişlərlə bağlı müraciətlər üçün:

Fərdi sahibkar Xıdırbəyli Vüqar Cavid oğlu
Fuad İbrahimbəyov küçəsi 9A, Bakı, Azərbaycan
Telefon: 050 325 82 22
E-poçt: info@onlinetest.az